PTH 2

Fakaʻikaiʻi ʻe Hon.Poasi Tei mo Paea Filimoehala ‘oku na Kanitīteiti maʻa e Poate PTOA Featured

Friday, 17 September 2021 18:50
(0 votes)

Siaosi Sione leleiufi

Talaki Online, 17 Sepitema 2021; ‘OKU fakaʻikaiʻi ʻe ha ongo kanitīteiti, Hon.Poasi Mataele Tei (Minisitā MEIDECC mo fakafofonga Tt6), fakataha mo Paea Filimoehala ko e kanitīteiti fo’ou, ʻoku ʻiai haʻana kaunga pe kau ki he Poate PTOA ne talaki ʻa ʻenau kau kanititeití ʻane efiafi lolotonga e fakataha ke ui e hingoa e toko 17 ʻenau Paatí he Holo Sa ʻAniteluú.

‘I he fetuʻutaki ʻa e Talaki ki he Fakafofonga Fale Aleá ni, Poasi Mataele Tei mo e fehuʻí ni, “na'e ui Koe ‘i he lisi toko 17 'a e Poate PATOA ʻane efiafi, 'oku mo'oni 'eni 'oku ke kau ki he Paati ko eni?
Poasi Tei: 'Ikai ke mo'oni 'eni pea kou fiu he tali fehu'i heni he 'aho ni. Na'a nau kole mai pe ka na'u 'osi fakamahino pe 'ikai.

Ko e matāpule ko Maʻake Kaufusi naʻá ne fakahā ʻi he Fakatahaʻangá, ko Fane Fituafe mei Houma ne ʻosi mahino ko e Kanititeití ia ʻo aʻu pe ki he momeniti fakaʻosii ʻoku femouʻekina ia. Naʻe hoko atu ki a Saia Penitani ʻo Houma ka ko e meʻa tata, ʻokuʻikai ke ne tali.

Kaufusi“Kou fokotuʻu atuTongatapu 6, Poasi Tei, ko e tokotaha ʻeni ʻoku ne tali e fakaafé. Kou toʻo e leipolo.. pea naʻe situʻa, pea kou toe ui atu Koe (Poasi) tafoki mai ko e ngāue ke fakaleleiʻi.. ‘e ‘I heni ia..kuopau ke ne ‘iheni ia,” ko Maʻake Kaufusi ki he fakatahaʻangá.

Hili ia naʻe fakahā ʻe he Sekelitalí ʻo e PTOA, Tevita Tautakitaki, ʻoku tali ʻe he Poaté ʻa e fakahā kuo ne faí ke hoko ʻa Poasi Tei koe Kanitīteiti maʻa Tongatapu 6.

‘I he fakatalanoa mo Poasi Teí, naʻe fetuʻutakiange ʻa Maʻaké, “Ne fou mai pe 'enau fakafofonga 'aneuhu (Falaite) 'o fakahoko mai keu kataki pe ka ko 'enau fakakau hoku hingoa he timi ko ‘enau fiepoupou moe fie tokoni (endorse) mai kia au he fononga atu koʻeni kihe fili’ (kamau tau'atāina pe mautolu he'emau ngaue 'oku fai), pea u fakamahino pe ki ai ‘emau tu’u mo e Kosilió mo e Vahengá.

“Tu'uma'u pe he'emau tuí mo 'emau ngaahi kaveinga ngāue, he ko e me'a mahu'inga taha kia mautolu ko e tokoni'i e ngaahi fiema'u vivili 'a e kakaí, mo fakalakalaka pea hakeakiʻi e nofo e kakai 'o e vāhengá 'i he tapa kotoa 'o e mo'ui.

POASI TEI“'Atā pe ki he taha ke tokoni mai mo ngaue fakataha, ka he'ikai fai ha mavahe mei he ngaahi kaveinga ngaue mo e visone kuo fatu mo ngaue'i mai 'e he Vahengá he ta'u 'eni 'e 7, pea kuo kamata ke hā lelei hono ngaahi ola melie he taimí ni he ako 'a e fanau, to'utupú, ngaahi familí mo e tapa kehekehe 'o e nofo,” ko e fakaikiiki ia ʻa Poasi Tei ki he Talaki.PAEA FILIMOEHALA

Naʻe fakaʻekeʻeke ʻe he Talaki Online ʻa Paea Filimoehala ʻi Siulai, ko e fehuʻi tatau pe ʻoku kau ki ha Paati? Naʻe fakaʻikaiʻi ʻe Paea Filimoehala he ʻoku ʻikai ke tui ke hu ki Fale Alea ʻi ha kaveinga ʻa ha kakai kehe, pea ʻoku ne tuʻuʻaki ʻene kaveinga mo tuʻu tauʻatāina pe ia.“Oku nau lolotonga kole mai ko 'enau pehē ko e lelei taha au mei Niua 17 he ʻoku nau fiema'u ha kakai lelei hangē ko au na'a faifai pea u tō kae ta'e'aonga homou mahu'inga pea na'á ku fakamahino ange pe kia Siaosi Pohiva 'oku ou lele tauʻatāina,” ko e fakamahino ia ʻe Paea Filimoehala ki he Talakí ʻoku kei tuʻu pe heʻene kaveinga.

‘Oku taki ʻa Siaosi Pohiva mei Tongatapu 1 ‘i he Kulupu ko ení, mavahe ia mei he Core Team PTOA ‘oku taki ai ‘a Semisi Sika ‘o Tongatapu 2 pea memipa ai ʻa Mateni Tapueluleu mei Tongatapu 4, Losaline Maʻasi mei Tongatapu 5, Semisi Fakahau mei Tongatapu 8, Penisimani Fifita mei Tongatapu 9.

Ko e kau tuʻu tauʻatāina mei he kamatá ʻoku nau ʻi Fale Alea, Siaosi Sovaleni mei Tongatapu 2, Poasi Matele Tei mei Tongatapu 6,Sione Vuna Fāotusia mei Tongatapu 7, Tevita Lavemaau mei ‘Eua 11, Akosita Lavulavu mei Vava’u 16, Samiu Vaipulu mei Vavaʻu 15, Saia Piukala mei Vavaʻu 14. Naʻe toki piki atu leva ʻa Tt3, Tt6, Tt7, Eua 11, Vv 16, Vv14 kae lava ʻo Puleʻanga ʻa ʻAkilisi Pohiva he 2014. Ko e 2019, naʻe mavahe ʻa Tt10, Tt7, Tt6,Tt3, ‘Eua 11, Niua 17, Vv16 o nau fokotuʻu e Puleʻanga lolotonga ‘o Pohiva Tuʻiʻonetoa.Fifita

Kaekehe, ko e kau Fakafofonga lolotonga (Moʻale Finau mo Veivosa Taka) ʻo Haʻapai ʻoku ʻikai kena kau he ui ʻo e Timi PTOA mo Vatau Hui ʻo Niua 17.

Akanete‘Oku kei lolongo ʻa e PAK (Paati ʻa e Kakaí), ke ʻoku teʻeki ke fakapapauʻi pe ʻoku kei hoko atu e Paati ko ʻení pe ko e ngāue fakataha pe ʻa e kau memipa lolotongá ʻi he filí kenau toe foki ki Fale Alea. ‘Oku makatuʻunga pe ʻeni mei he fokotuʻu ʻe he Puleʻanga lolotongá ʻa ʻenau Palani taʻu 4, ʻoku fakaʻaliʻali mai ai ʻa e ʻimisi ʻo e ʻikai ke toe fiemaʻu e PAK ke lele.

Ko e Core Team ʻa e PTOA, naʻe ʻosi fakahā ʻe honau takí, Semisi Sika ʻoku teʻeki ke fakapapauʻi ʻa ʻenau kau Kanitīteiti, ʻoku nau takitaha ngaueʻi hono hala ki loto Fale Aleapea ʻe toki fakamaʻopoʻopo ʻo ui ʻa ʻenau timi ʻi ha toe nau ha uike siʻi ki he filí, ko ʻene fakahā eni lolotonga ʻenau fakataha ki Sopu.

Ko e ni’ihi ʻeni kuo fakahingoa ‘e he Poate ‘o e PTOA ke nau hoko ko e kau Kanitīteiti maʻa e Kulupú ni.
1. Tongatapu 1 – Siaosi Vailahi Pohiva (Hala’ovave)
2. Tongatapu 2 - Sione Fonua (Kolofo’ou)
3. Tongatapu 3 – Tevita Palu (Fasi)
Kapeli4. Tongatapu 4 – ‘Ilaiasi Lelei Ufi (Popua)
5. Tongatapu 5 – ‘Akanete Ta’ai Lauti (Te’ekiu)
6. Tongatapu 6 – Poasi Tei (Hofoa) ʻIkai ke ne tali
7. Tongatapu 7 – Paula Piveni Piukala (Ha’ateiho)
8. Tongatapu 8 – Tevunga Kaivanasi Ramsey (Vaini)
9. Tongatapu 9 – Timote Laume (Fu’amotu)
10. Tongatapu 10 – Kapeli Molitoni Lanumata
11. ‘Eua 11 – Tanilea Fusimalohi (‘Ohonua)
12. Haʻapai 12 – Sione Tapu (Foa)
13. Ha’apai 13 – Milika Fifita Ikahihifo
14. Vava’u 14 – Saia Piukala
15. Vava’u 15 – Tomfā Paea
16. Vava’u 16 – Seli Tu’akalau
17. Niua 17 – Paea Filimoehala (ʻIkai ke ne tali)

Puleʻanga Lolotonga
The Prime Minister’s Office has the honor of advising members of the Public, that His Majesty,
King Tupou VI, upon receiving recommendations from the Prime Minister, the Hon. Dr. Pohiva
Tu’i’onetoa, has appointed the New Ministers of Government, with effect from 9th October, 2019.
The new members of His Majesty’s Cabinet are as follows, along with their respective portfolios :
Hon. Dr. Pohiva Tu’i’onetoa – Prime Minister and Minister for Public Enterprises
Hon. Sione Vuna Fa’otusia – Deputy Prime Minister & Minister for Justice and Prison, later resigned
Lord Ma’afu – Minister for Lands and Natural Resource & Minister for His Majesty’s Armed
Forces
Hon. Tevita Lavemaau – Minister for Finance &Minister for Revenue and Customs
Hon. Poasi Mataele Tei –  Minister for Meteorology, Energy, Information, Disaster Management,
Environment, Communications and Climate Change
Hon. Siaosi ‘Ofakivahafolau Sovaleni – Minister for Education & Training
Hon. Samiu Kuita Vaipulu – Minister for Trade and Economic Development later become Minister of Justice/Prison.
Hon. ‘Akosita Lavulavu - Minister for Infrastructure and Tourism
Hon Vatau Hui – Minister for Internal Affairs
Lord Nuku – Minister for Police, Fire & Emergency Services
Lord Tu’ilakepa – Minister for Agriculture, Food, Forests and Fisheries
Hon. Dr. ‘Amelia Afuha’amango Tu’ipulotu – Minister for Health
Hon. Tatafu Moeaki - Minister for Trade and Economic Development

Puleanga Pohiva

Leave a comment

Make sure you enter all the required information, indicated by an asterisk (*). HTML code is not allowed.

Contact Us

Publisher: Justin ʻAkauʻola
Editor: Filokalafi ʻAkauʻola
Email: talaki.online@gmail.com
filokalafi@gmail.com
Tel: (676) 28186
Mb: (676) 7719708
(676) 7700107
website:www.talaki.to

PTH 3
Go to top