PTH 2

Fakamoʻoni Aleapau Puleʻanga Siapaní pea mo Tongá ni Featured

Monday, 06 September 2021 22:19
(0 votes)

Aleapau

Talaki Online 6 Sepitema 2021; Naʻe fakahoko ʻi he Falaite 3 ʻo Sepitemá ʻa e fakamoʻoni aleapau ʻa e ʻEiki Palemia ʻo Tongá, Faifekau Dr Pohiva Tuʻiʻonetoa pea mo e ʻAmipasitoa Siapaní, His Excellency Kensaku Munenaga. Ko e fakamoʻoni aleapau koʻení ko e tukupā ʻa e Puleʻanga Siapaní tenau fakapaʻanga ʻa hono fakatau mai ʻa e vaka taulani foʻou fakafonua maʻa Tongá ni.

Ko e taumuʻa ʻo e vaka koʻení ko e tokoni ki he ngaue ʻa Tongá ni ʻi hono tokangaʻi ʻa e ngaahi vaka uta koloá peheé ki hono fakasiʻisiʻi ʻa e ngaahi palopalema ʻi he feʻaveʻaki koloá. ʻOku feʻunga fakakātoa ʻa e tokoni koʻení mo e paʻanga ʻAmelika ʻe $10 miliona. Ko e vaka hono ua ʻaki ʻeni ʻa e tokoni mai ʻa e Puleʻanga Siapaní ʻo fakamalumalu ʻi he Potungāue ki he ngaahi pisinisi ʻa e Puleʻanga Tongá mo e Poate Taulangá.

 Ko e vaka ʻuluakí ʻa e MV Hifofuá ne ʻomai ʻi he taʻu 1994 pea ʻoku kei fakahoko kiai ʻa e ngaue ʻa e Poate Taulangá. Naʻe makatuʻunga foki ʻa e fakamoʻoni aleapau koʻení mei he kole ʻa e Puleʻanga Tongá ki Siapani ha tokoni ki he ngaue ʻa e Poate Taulangá pea mo e tuʻunga ʻoku lolotonga ʻi ai ʻa e fakahoko ngaué. Ko e peseti foki ʻe 80% ʻo e ngaahi koloa hū maí ʻoku ʻomi ʻi he ngaahi vaka tahí.

Kaekehe naʻe meʻa ʻi heni mo e kau fakaafe kehe pe ʻi he polokalama fakamoʻoni aleapau koʻení.

Leave a comment

Make sure you enter all the required information, indicated by an asterisk (*). HTML code is not allowed.

Contact Us

Publisher: Justin ʻAkauʻola
Editor: Filokalafi ʻAkauʻola
Email: talaki.online@gmail.com
filokalafi@gmail.com
Tel: (676) 28186
Mb: (676) 7719708
(676) 7700107
website:www.talaki.to

PTH 3
Go to top