PTH 2

Toe positivi ʻa Chris Paongo ka ʻoku kiʻi ngāvaivai e vailasí Koviti-19 hili e ola maʻu he ʻaho ni Featured

Friday, 05 November 2021 16:32
(0 votes)

Roadblock

Talaki Online 5 Novema 2021; KUO toe sivi ʻa e matāpule ne tuʻuta mo e Koviti-19 ki Tonga ʻo positive hili ʻa hono sivi he Tuʻapulelulu pea maʻu ʻa e ola ko iá he ʻahó ni, ko e fakahā ia mei he CEO ʻo e Potungāue Moʻuí, Dr Siale ‘Akau’ola 'i he fakataha mo e kau Faiongoongo he efiafí ni.

‘I Nuʻu Sila naʻe sivi ʻo nekativi e matapulé ni, pea hoko atu ki he sivi ʻi Tongá ʻo positive, aʻu mai ke Monite ʻo e uike ni, naʻe sivi ai ʻo nekativi, ko e Falaité ʻeni kuo toe positivi he vailasi Koviti-19. Naʻe ʻikai ke fakahā ʻe he Potugaue Mouʻí a e matāpule ko ʻení ka ko ʻene fakahā pe ʻe ia moe famili ʻa hono maʻu ia ʻe he Koviti. Lolotonga ia ʻoku kei moʻui lelei pe ʻa e matapulé ni.Laka

Ko e ʻasi ko ʻení ʻoku vaivai pe, kuo ʻosi ai ʻa e kiʻi ʻelemeniti ʻo e foʻi vailasí kuo ʻosi mate ia kae kei moʻui pe ʻa e kiʻi konga ʻo fakatatau ki he fakamatala ʻa Dr Siale ʻAkauʻola. ‘Oku kei fiemaʻu pe ʻa e matāpule positiví ni ke tauhi pe ʻi he Vaʻa Potungaue Moʻuí ʻi Muʻa. ‘E toe fakaloloa ʻa ʻene nofó mei he ʻahó ni ʻaki ha ʻaho ʻe 21 foʻou. Ko e toenga ʻo e 214 kehe ʻoku ʻikai ke toe ʻasi ha taha mei ai ʻoku positivi pea te nau foua pe nautolu he angamaheni.

FielakepaNaʻe toe fakahā ʻe he Minisitā MEIDECC, Hon.Poasi Tei, ka ʻikai ke toe pihia ha taha pe ko e tukunga malu ʻa e tokotaha ko ʻení, fakapapauʻi ʻoku malu mo hao kotoa ʻa e kau ʻotumuʻá pea ʻe ʻatā ai pe ʻa e fonuá ke to’o ‘a e Tapu Fakataputapui ʻoku lolotonga fakahokó.

Kaekehe, naʻe toe fakahā ʻe he CEO ʻo e MEIDECC, Paula Maʻu, naʻe palani ʻa e vakapuna fakamuimuitaha ki he taʻú ni ko e ʻaho 23 ʻo Novemá ni, ka ʻoku toe fai e sio ki ai. Ka ʻikai ko e toenga ʻo e kau foki mai ki Tongá ni ʻe ngaʻunu ki Sanuali 2022. 'Oku ki'i faingataʻa he kuo ʻikai ha toe fonua ia mei he ʻu fonua ʻoku fakafoki mei ai ʻa e kakaí 'e kei hao he Koviti-19.

Naʻe fakahā ʻe he Minisitā Moʻuí, kuo aʻu ki he peseta 91 fakalukufua ʻo e fonua kuo nau ʻosi huhu ʻuluaki ʻi he taʻu motuʻa ko e taʻu 18 ki he motuʻa taha. Naʻe fakamahino ʻe he CEO, Dr Siale ʻAkauʻola ʻa e mahuʻinga ʻo e huhu, he ʻoku ne fakasiʻisiʻi ai ʻa e mafola ʻa e mahakí pea mo maluʻi ʻa e tokotaha puké ke ʻoua naʻa puke lahi ʻo aʻu ki he mate.

‘I he tafaʻaki e maau ʻa e fonuá, naʻe puke mo fakaʻilo ai ʻa e toko 30 ko e kau Faikava lolotonga ʻa e taimi Tapu Fakataputapuí. Naʻe fakahā ai ʻe Lord Fielakepa ko e Komisiona Leʻoleʻo ʻi he Polisí mo Pule Lahi he Taumaluʻi Fonuá, ʻoku tapui ʻa e faikava ʻo tatau pe he ʻu ʻapí mo e kau Polisi Fakakoló.

Leave a comment

Make sure you enter all the required information, indicated by an asterisk (*). HTML code is not allowed.

Contact Us

Publisher: Justin ʻAkauʻola
Editor: Filokalafi ʻAkauʻola
Email: talaki.online@gmail.com
filokalafi@gmail.com
Tel: (676) 28186
Mb: (676) 7719708
(676) 7700107
website:www.talaki.to

PTH 3
Go to top