PTH 2

Ulungia ‘Ikale Tahí he tesi mo Sikotilani 60-14 Featured

Monday, 01 November 2021 11:40
(0 votes)

Ikale 4

Talaki Online 1 Novema 2021; NA’E ulungia ʻa e ʻIkale Tahí ʻi he ʻuluaki tesi mo Sikotilani ʻi Marrayfield, ‘Etinipua he Tokonaki kuoʻosí ʻaki e kai 14-60 lolotonga e polokalama vaʻinga ʻa e World Rugby he fakaʻosinga ʻo e taʻú ni 'i 'Iulope.

Ko e tesi hono 4 eni ʻa e ʻIkale Tahí ki he taʻú ni mo e ulungia kotoa, 2 mo e Manu Samoa, taha mo e All Blacks ʻi Nuʻu Sila pea mo e taha he fakaʻosinga ʻo e uike.

Ikale 3Ko e tataʻo ʻe taha ʻa Tongá mei he matatolu ko David Lolohea he tuʻu hono uá mo e ʻu ʻakatautea ʻa James Faiva. Ko e tautea maʻa Tonga ka ne nau fili sikalamu ʻo nau tekeʻi ai ʻo tokoni lahi ʻa Onehunga Havili hono tekeʻi ʻa Lolohea ke aʻu ki he laine. Naʻe malōloó ʻoku kei taki pe ʻa Sikotilani ko e 36-9.

Ko e palopalema ʻa e timi ‘Ikale Tahí naʻe ʻai he meʻa lalahi ʻe ua, ko e ʻikai ke feongoongoi, ʻikai sai e laine tifeni. Ko e tataʻo ʻe 10 ʻa Sikotilani ne nau fakahoko he vaʻinga ni.Ikale 5

‘E vaʻinga hoko ʻa e ʻIkale Tahí mo e timi Papeliane ‘a Falaniē he ʻaho 6 ʻi Lyon, Falanise, pea toki ta tuku ki he timi ʻa Romania he ʻaho 20 Novema. Kaekehe ko e vaʻinga mahuʻinga taha ki Tongá he taʻu kahaʻu ko e vaʻinga fakaʻosi ki he hu ki he Ipu ʻa Mamaní, ka ʻoku teʻeki mahino kofe taimi mo e feituʻu ʻi he 2022.

Ola ʻu vaʻinga kehe:
All Blacks 54 -16 Wales
Italy 13-11 Spain
‘Asentina XV 17 – 24 Utuguay
Chile A 29 – 14 USA Seect XV

Ngaahi vaʻinga ki he fakaʻosinga ʻo e uike ni:
ʻAilani vs Siapani
‘Itali vs Nuu Sila
Falanisē vs Saute ʻAfilika
Kanata vs Potukali

20211028 Ikale Tahi Team vs Scotland A

Leave a comment

Make sure you enter all the required information, indicated by an asterisk (*). HTML code is not allowed.

Contact Us

Publisher: Justin ʻAkauʻola
Editor: Filokalafi ʻAkauʻola
Email: talaki.online@gmail.com
filokalafi@gmail.com
Tel: (676) 28186
Mb: (676) 7719708
(676) 7700107
website:www.talaki.to

PTH 3
Go to top