PTH 2

Fiemaʻu 75% kae liliu e lao ʻo e World Rugby pea toe ulungia ʻIkale Tahí ʻi ʻingilani 3-69 Featured

Monday, 08 November 2021 16:34
(0 votes)

Sonatane

Talaki Online 8 Novema 2021; ‘E kei tuku ʻaisi mo haʻi pōpula ʻa e kau vaʻinga tu’ukimu’a ʻa e Pasifikí ne nau ʻosi fakafofongaʻi e ngaahi fonua Tier 1 ʻo hangē ko Nuʻu Sila, ʻAositelelia, ʻIngilani, Uelesi, Sikotilani mo Falanisē ʻokapau ʻe ʻikai ke liliu e lao fakangatangata maʻa e kau vaʻinga kuo nau mavahé ka nau fili ki honau tupuʻangá kenau vaʻinga mei ai.

'E fakataha ʻa e Kosilio ʻo e World Rugby ki he ʻaho 24 ʻo Novemá ni ke nau vouti ke liliu e laó lolotongá ki ha tuʻutuʻuni ʻoku maʻamaange maʻa e kau vaʻinga 'a ē ʻe ʻikai toe maʻu faingamalie maʻa e ʻu fonua ne nau ʻuluaki fakafofongaʻí. Ko e fokotuʻu mahuʻinga ʻeni naʻe ʻoatu mei he ‘Iunioni ʻAkapulu ʻa Potukalí ki he Kosilió.

CharlesKo e kau vaʻinga hangē ko Ngani Laumape, Charles Piutau, George Moala, Topi Faletau, Mako mo Billy Vunipola he ‘ikai pe ke toe ʻiai hanau faingamalie ʻonautolu ke nau ʻasi he feʻauhi ʻa māmaní ʻokapau ʻe ʻikai ke liliu e lao mo e tuʻutuʻuni ki haʻanau toe foki ʻo fakafofongaʻi ʻa Tonga pe koe fonua ne nau ʻuluaki ʻasi mei aí ʻOku ʻikai ko Tongá ni pe ka ʻoku kau mo Haʻamoa mo Fisi, 'Amelika, Kanata, 'Asenitina. Ka ki Nuʻu Sila mo ʻAositelēlia, 'Ingilani mo Saute ʻAfilika ‘oku ‘ikai ko ha kaveinga lahi eni ia ke nau mole taimi hono aleaʻí.

Ko e lao motuʻa, 1. kuopau kete mavahe mei he fonua naʻa te ʻuluaki fakafofongaʻí ʻi he taʻu ʻe 3, 2. ko e fou ʻo vaʻinga ʻi he feʻauhi tautau toko 7 ʻa ē ʻoku ʻosi tuhuʻi pau ko e feʻauhi ia ʻa e Olimipikí pe koe ngaahi feʻauhi kualifai ki he ʻOlimipikí. Ko e ‘ikai lava ha taha e matapā ko ia ko e ‘osi ai pe ia. ‘A ia ʻoku fakaʻuhinga pe ia ki he kau vaʻinga tautuaʻā tenau lava ʻo tautau toko 7. Ko e kau vaʻinga matatolú ʻe faingataʻa ʻaupito ia. Ko e matapule ko Ben Atinga, naʻe ʻuluaki hu pe ʻo tau he All Backs ʻi he miniti pe ʻe 6 ki he taimi kakató pea talu ai pe ʻa ʻene ʻosi mei he ʻakapulu fakavahaʻa Puleʻangá, ka ne mei lava ia ke fili ki Haʻamoa pe ko Cook ke vaʻinga maʻa nautolu.

Ko e fiemaʻu ki he liliu foʻoú ke faiʻaki pe ʻa e foʻi malōlō mei he vaʻinga fakavahaʻa puleʻangá ʻi he taʻu ʻe 3, pea ʻatā leva e kau vaʻinga kenau fili ha fonua kenau hoko atu ki ai. Ko e fili ki he fonua ʻo ʻete matuʻá pe ko e kui, pe ko e fonua ʻokú te paasipooti nofo fonua aií.

George MoalaKaekehe, ka liliu e laó ni neongo ʻoku matangataʻá koeʻuhí he ko Fisi mo Haʻamoa ʻoku na takai taha pe he vouti pea hala ʻa Tonga ni ia. Ko e vouti kotoa ʻe 52 pea kuopau ke laka he vouti ʻe 39 koe 75% ia. Ko Nuʻu Sila, ʻAositelēlia, ʻAsenitina mo Saute ʻAfilika mo e ngaahi fonua he Six Nations ʻoku nau taki tolu he vouti pea pehe ki he ngaahi timi ʻi ʻIulopé. Ko ‘Oseania, ‘Esia, Saute ʻAmelika mo ‘Amelika Noate ʻoku nau taki taha.

Ka tali ʻeni ʻe ʻotometiki pe ʻa e hū ʻa e kau vaʻinga ia he 2024 ʻo kau he ʻIkale Tahí ʻo hange ko Ngani Laumape mo ʻIsileli Folau. Kuo faingamaie ʻa Lopeti Timani mo Malakai Fekitoa ke na kau atu ki he ʻIkale Tahí he Ipu ʻa Mamani hokó ka kualifai ʻa Tonga ki ai ʻi Siulai 2022.

Ko e fehuʻi ʻi he kaveinga ko ʻení, koehā e maumau ʻe hoko ki he ngaahi timi lalahi ʻi he Tier 1? Ka kuo hanga ʻe he Mate Maʻa Tongá ʻi he ikuna ‘I ‘Aositelēlia, Nu’u Sila mo Pilitania Lahí he liikí ‘o ‘omai e fekau mahu’inga ki he ‘u fonuá. Ko e fekau ‘eni ‘oku ongo’i lahi ange ‘ehe ngaahi fonua ‘i he Tier 2, ko honau hakeaki’i’anga ‘eni. Ka ki he ngaahi fonua Tier 1 ko honau kaivevelaʻanga ʻeni.

Ko e faingamalie ke vāmama’o ‘a e Tier 1 mo e Tier 2 he ngaahi va’inga tesí ‘e hoko ia he lao lolotongá, ‘o hange ko iane ‘asi he tesi ‘a Tonga, USA mo e All Blacks, ‘Ingilani mo Tonga ko e kaí ia ‘e fu’u kehekehe ‘aupito ia. Ka tali e liliú ni, ‘e ‘ikai ngata he malie ‘a e va’inga ‘akapulú, ka ‘e ma’u ‘a e ngaahi lea fo’ou ‘o hange ko e “malohi faingata’a e All Blacks ʻi Tonga pe ko e Wallabies.”
‘Oku kūnima pe ʻa e Faikao e ʻIkale Tahí, Toutai Kefu mo fakaʻamu ke tali ʻa e fokotuʻu ko ʻení ke lava ha tokoni lahi ki he ‘Ikale Tahí mei he kau vaʻinga kuo ʻikai ke kei maʻu faingamalie ʻi he fonua ne nau ʻuluaki fakafofofongaʻí.

Ikuna ʻe ʻIngilani ʻa Tonga 69-3

Na’ʻe toe taʻomi atu pe moe foʻi ulungia ʻa Tonga he fetaulaki mo ʻIngilaní ʻaki e kai 69-3. Tataʻo ʻe 11 ʻa Ingilani ki he ʻakatutea ʻa Sonatane Takulua, Kapiteni maʻa Tonga.

Naʻe mei ʻiai e faingamalie ʻa Tonga ki he laine tataʻó ʻi he faʻao paasi ʻa Telusa Veainu, leʻokolo, ka ne toe maʻu pe ia ʻoku toe ha haafe mita ki he laine. 'Oku vaʻinga hoko ʻa Toga mo e Papeliane ʻa Falanisé

Red card: Viliami Fine (Tonga, 69 – foul play, striking an opponent)
Yellow card: Solomone Kata (Tonga, 32 – foul play, taking a player out in the air), Walter Fifita (Tonga, 45 – cynical foul, deliberate knock-on)

Timi vaʻingá
England: 15 Freddie Steward, 14 Adam Radwan, 13 Henry Slade, 12 Manu Tuilagi, 11 Jonny May, 10 George Furbank, 9 Ben Youngs, 8 Tom Curry, 7 Sam Underhill, 6 Courtney Lawes (captain), 5 Jonny Hill, 4 Maro Itoje, 3 Kyle Sinckler, 2 Jamie George, 1 Ellis Genge.
Talifaki: 16 Jamie Blamire, 17 Joe Marler, 18 Will Stuart, 19 Charlie Ewels, 20 Alex Dombrandt, 21 Alex Mitchell, 22 Marcus Smith, 23 Mark Atkinson.
Tonga: 15 Telusa Veainu, 14 Walter Fifita, 13 Mailetoa Hingano, 12 Afusipa Taumoepeau, 11 Solomone Kata, 10 Kurt Morath, 9 Sonatane Takulua (captain), 8 Sione Vailanu, 7 Mateaki Kafatolu, 6 Lopeti Timani, 5 Tanginoa Halaifonua, 4 Halaleva Fifita, 3 Ben Tameifuna, 2 Paula Ngauamo, 1 Siegfried Fisi’ihoi.
Talifaki: 16 Siua Maile, 17 Loni Uhila, 18 Ma’afu Fia, 19 Setofano Funaki, 20 Onehunga Havili, 21 Leon Fukofuka, 22 James Faiva, 23 Viliami Fine.

Leave a comment

Make sure you enter all the required information, indicated by an asterisk (*). HTML code is not allowed.

Contact Us

Publisher: Justin ʻAkauʻola
Editor: Filokalafi ʻAkauʻola
Email: talaki.online@gmail.com
filokalafi@gmail.com
Tel: (676) 28186
Mb: (676) 7719708
(676) 7700107
website:www.talaki.to

PTH 3
Go to top